Ikasleak erakarri, euskaraz egin nahi izan dezaten

Horixe dugu helburu barnetegiok, eta horixe jarri diogu izenburu aurtengo udan emango dugun ikastaroari: ikasleak erakarri, euskaraz egin nahi izan dezaten. Bestela ez baitute egingo euskaraz, guk derrigortu arren.

Aurreko urtean bezala, hiru eguneko ikastaroa emango dugu barnetegiok Hik Hasi pedagogia-elkarteak antolatutako Udako Topaketen barruan. Ikastaroa uztailaren 2, 3 eta 4an izango da, Donostian.

Informazio zehatzagoa nahi duenak jo beza Hik Hasiren web orrira: http://www.hikhasi.eus/uploads/erab_1/2018/04/1524814380-2018ko%20UDA-liburuxka.pdf

Kategoriarik gabe(e)n argitaratua | Etiketak: , , | Iruzkina idatzi

Lau irakasle-monitore hartzeko deialdia

Euskal Girotze Barnetegietan lau irakasle-monitore behar ditugu, zerbitzu-eginkizunetan. Apirilaren 18tik zabalik dago izen emateko epea; apirilaren 27ra arte egongo da zabalik, bi egunak barne.

Ondoko hauek dira lau lanpostuak:

- Barriako barnetegian, irakasle-monitore lanpostu bat.

- Hondarribiko barnetegian, irakasle-monitore lanpostu bat.

- Lemoizko barnetegian, irakasle-monitore lanpostu bi.

Lanpostuei buruzko xehetasunak Hezkuntzako web orrian topatu ditzakezue.

Kategoriarik gabe(e)n argitaratua | Etiketak: , , , | Iruzkina idatzi

Euskal Girotze Barnetegian txanda eskatzeko

Euskal Girotze Barnetegi batean 2018-2019 ikasturtean egonaldi-txanda eskuratu nahi duzuen ikastetxeok zabalik izango duzue izen-emateko epea apirilaren 9tik maiatzaren 9ra bitartean, bi egunak barne. Eskabideak egiteko, hauxe duzue bidea:

Herri-ikastetxeek:

https://educacion.hezkuntza.net/group/deialdiak/egb-2018

Itunpeko ikastetxeek:

https://www.euskadi.eus/diru_laguntza/2018/egb/y22-izapide/eu/

Egonaldi-txanak(e)n argitaratua | Etiketak: , | Iruzkina idatzi

Zabalik dago izen emateko epea, hurrengo ikasturterako

Apirilaren 9tik zabalik egongo da izen emateko epea, Euskal Girotze Barnetegietako 2018-2019 ikasturteko egonaldi-txandak eskatzeko. Apirilaren 9tik maiatzaren 9ra arte egongo da zabalik, bi egunak barne.

Euskal Girotze Barnetegiak honako baldintza hauek betetzen dituzten ikasle-taldeentzat daude eraturik:

> LMH 3tik DBH 2ra bitarteko ikasleentzako egonaldiak dira.

> Ikasle-taldea ikastetxeko ikasgela osoa izango da.

> Taldeak gehienez 30 ikasle izango ditu, eta gutxienez 15.

Egonaldiak 4 egunekoak dira: astelehen goizean hasi eta ostegun arratsaldeko seietan bukatuko dira. Egonaldiaren egun kopurua eta iraupena ezingo dira ez laburtu ez luzatu. Ikasle-talde bakoitzak egonaldi bakarra egiteko aukera izango du. Ikastetxe batek, gehienez ere, hiru talderentzako egonaldia eskuratu ahal izango du, betiere taldeak maila berekoak baldin badira.

Kategoriarik gabe(e)n argitaratua | Etiketak: , , | Iruzkina idatzi

Hondarribiko orria zabalik

Aurtengo irailaren hasieran zabaldu genuen Hondarribiko barnetegia, urte askoan Alkizan izan genuena ordezkatzera etorri dena. Alkizatik Hondarribirako aldaketak ezinbestean eskatzen zuen beste aldaketa bat ere: web orri honetako informazioarena. Horretan aritu gara azken asteotan. Atzo arratsaldean (azaroak 29) zabaldu genuen Hondarribiari dagokion orria. Hortxe dituzue Miren, Natalia, Jon eta Imanol, irribarretsu, Hondarribiko euskal girotze barnetegiaren berri ematen.

Kategoriarik gabe(e)n argitaratua | Etiketak: , | Iruzkina idatzi