Hondarribia


Euskal Girotze Barnetegiak

Etxea

Barnetegia Gipuzkoako Foru Aldundiak duen Juan Sebastian Elkano aterpetxeko egoitzan dago kokatuta, hondartzatik 300 metrora. Etxea, herri gunetik Higer lurmuturrera abiatzen den errepidearen hasieran dagoen eraikuntza sendoa da.

Bertatik inguru menditsu paregabea ikusten da, eta itsasoa, eta Hondarribiko eta Hendaiako hondartzak. Hainbat irteera egin daiteke, inguruak naturaz gozatzeko aukera ederrak eskaintzen ditu.

Aterpetxeko eraikinak eta belardiak hesi batez inguraturik daude. Barnetegiko ikasleek aterpetxeko instalazio jakin batzuk erabili ahal izango dituzte. Logelak eraikin handieneko bi solairutan daude, baina barnetegiko ikasleak solairu bakar bateko logeletan kokatzen ditugu. Alboko eraikinean honako hauek daude: balio anitzeko areto handia (hainbat ekintza eta jarduera gauzatzeko gela), bulegoa eta jan gela. Horiez gain, eraikinen inguruan jolasleku hauek aurkituko ditugu: kiroletarako eremua, jolas gela, parkea eta belardi zabalak.